კომპანია Vector Capital-ი შეიძენს Orthogon-სა და Canopy-ის ბიზნესებს Motorola Solutions-ისგან

 Vector Capital-მა და Motorola Solutions-მა, დღეს განაცხადეს, რომ Vector Capital-ი შეიძენს Motorola Solutions-ის წერტილი-წერტილი (PTP იგივე Orthogon) და წერტილი-მრავალწერტილი (PMP იგივე Canopy) ტოპოლოგიის უსადენო ქსელური გადაწყვეტების მიმართულებებს, გარიგების ღირებულება ცნობილი არ არის. ოპერაცია იქნება დახურული და დასრულდება სექტემბრის ბოლოს.

მოტოროლას ზემოთაღნიშნული მიმართულებები მოწინავეა მსოფლიო უსადენო ინდუსტრიაში. აღნიშნული მიმართულებები ცნობილია მოწყობილობების მრავალწევრიანი ოჯახით ლიცენზირებად და არალიცენზირებად სიხშირეებზე, ოჯახში რომელშიც აუცილებლად მოიძებნება პროდუქტი შესაფერისი ნებისმიერი მიმართულებისა და ბიზნეს სექტორისათვის. უსაზღვრო ტექნიკური გამოცდილების, მაღალი საიმედოობის, უმაღლესი ხარისხის კონტროლის, და მომხმარებელთა მომსახურების შეუდარებელი ხარისხის შედეგად მოცემული ბიზნეს მიმართულებები კარგ პოზიციას იკავებენ მომავალი წარმატებისათვის.

კერძო სააქციონერო კომპანია Vector Capital აპირებს ეს ბიზნესი მართოს დამოუკიდებელი კომპანიის Cambium Networks-ის სახელით.  Motorola Solutions  გეგმავს ახალ კომპანიასთან თანბამშრომლობის გაგრძელებას და უსადენო ქსელური გადაწყვეტების აღნიშნული ფირმიდან შეძენას მომავალი პროექტებისათვის.

,,ჩვენ მოუთმენლად ველოდებით Motorola Solutions-თან მუშაობას, რაც შედეგიანი იქნება აგრეთვე Cambium Networks-თვის”, განაცხადა Vector Capital-ის მმართველმა პარტნიორმა ალექს სლასკიმ. ,, Vector-ს დიდი გამოცდილება აქვს მსოფლიოს გლობალური ტექნოლოგიური კომპანიების ფოკუსირებისა და მათი სწრაფი განვითარებისათვის. ჩვენ Cambium-ის მმართველ გუნდს მივცემთ საშუალებას  ააშენოს მსოფლიოში მოწინავე მიმწოდებელი კომპანია, რომელიც იმუშავებს უსადენო წერტილი-წერტილი და წერტილი-მარვალწერტილი ტოპოლოგიის სისტემების მიმართულებით. ჩვენ მოწადინებული ვართ დიდი ყურადღება მივაქციოთ მომხამრებელთა მომსახურების სფეროს და შევქმნათ კარგი გარემო Cambium Networks-ის თანამშრომლებისთვის ამ მიზნის მისაღწევად.”

,,ჩვენ მოხარულები ვართ რომ მივაღწიეთ შეთანხმებას, რომელიც ხელს შეუწყობს Motorola Solutions მიმარეთულებების მოწესრიგებას და წერტილი-წერტილი და წერტილი-მრავალწერტილი ტოპოლოგიის სისტემების მიმართულებების განვითარებას” განაცხადა Motorola Solutions-ის თავმჯდომარემ და აღმასრულებელმა დირექტორმა გრეგ ბრაუნმა ,, Vector Capital-ს ტექნოლოგიური ბიზნესების განვითარების დიდი გამოცდილება აქვს, ჩვენ გვჯერა, რომ ისინი განაგრძობენ ინვესტიციის ჩადებას ამ მიმართულებით და მოწინავე მიმართულებებს კიდევ უფრო გააძლიერებს.”

Motorola Solutions-ის უსადენო ქსელური გადაწყვეტების მიმართულების ვიცე პრეზიდენტი ფილ ბოლტი დაინიშნება Cambium Networks-ის აღმასრულებელ დირექტორად. ბოლტს დიდი გამოცდილება აქვს უსადენო ქსელურ ინდუსტრიაში. იმისათვის, რომ არსებულმა მომხმარებლებმა და პარტნიორებს არ შეექმნათ დისკომფორტი ახალ ფირმასთან ურთიერთობაში, წერტილი-წერტილი და წერტილი-მრავალწერტილი ტოპოლოგიის სიტემების მმართველები, გაყიდვები, მიწოდების განყოფილება, ტექნიკური დახმარების განყოფილება, პროდუქტის მმართველები, მარკეტინგის ჯგუფი და კვლევისა და განვითარების ჯგუფები გადავლენ Cambium Networks-ში.

,, Motorola Solutions-ის Canopy-სა და Orthogon-ის ბიზნესების დამოუკიდებელ კომპანიად ჩამოყალიბება მისცემს საგრძნობი ზრდის საშუალებას, როგორც Cambium Networks-ს, ასევე პარტნიორ კომპანიებს”, თქვა ბოლტმა. ,,ჩვენი პარტნიორები გააგრძელებენ ჩვენთვის დამახასიათებელი ინოვაციური პროდუქციის, ხარისხისა და მხარდაჭერის მიღებას, ახლა უკვე უფრო მოქნილი და გაზრდილი კონცენტრაციით”.